معني الحب



New Page 1 قصيدة معني الحب للشاعر إميل مٌرقس

Fantasy Animated
معنى الحب..!!

بيني وبينك

ما اتخيلتش إني هـاعيش أبدا

من غيرك

واما بعدتي

ما اتخيلتش إني ف يوم

ممكن ألاقيكي

واما لقيتك

كنا كبرنا...مش بإيديَّ ومش بإيديكي

وكأني على شط المينا

وكأنك يا حبيبتي سفينه

إيدي ف إيدك

يوم بيعدي بتبعدي عنّي

يوم بيعدي .....بتبعدي أكتر

واما لقيت ف عينيكي الحيره

خفت عليكي

وسيبت إيديكي عشان تختاري

واما اخترتي ..رضيت بالقسمه

ووسط ذهولي وأمواج صمتي

إنتِي بعدتي.. بعدتي ...بعدتي

غبتي وغابت عني ملامحك

واللي انا فاكره من حكايتنا

دمعه..وبسمه و كلمة أحبك

قلتِي سامحني

قلت مسامحك من قلبي وبكل كياني

من يومها ما قابلتك تاني

ولا شفتك حتى ف أحلامي !!

أسمع صوتك..أنطق إسمك

أحلم بيكي قليل وكتير

إنما صوت بس بدون صوره

طيفك ..ضلك ..أي ملامح مش منظوره

ولا حتى ف أسعد أحلامي !!

أحلام أوديو وما فيش فيديو...!!!

Divider Butterflies, animated
 
سألت ما حدش عنده إجابه

سألت عليكي ف كل مكان

سافرت ورحت وجيت مالقيتك

بصراحه كان نفسي أشوفك

نفسي أقولك إنك غاليه

غاليه وأغلى كمان من نفسي

حتى ان كنتي ف بيت غير بيتي

حتى ان كنتي يا عمري نسيتي

واما اخترتي..عليَّ جنيتي

واتمنيتلك..كل سعاده

واتمنيتلك..خير بزياده

Divider Butterflies, animated
يوم ماخترتي

أنا سلمت بدون ما أحارب !!

قلت كرامتي في إني أبات مغلوب مش غالب

حاجه عجيبه!!!!!

كنت صغيّر ...لسه صغيّر

ما اتعلمتش معنى الحب

كنت باحب

لكن ما سألتش عن معناه

ما اتعلمتش إزاي أصمد

حتى ان كان قدامي عتاه

كنا ضروري نبذل جهد

كنا ضروري نراعي الوعد ونحفظ عهد

قبل ما نبعد ونقول ضاع الحب و تاه

Divider Butterflies, animated

سألوا حكيم عن معنى الحب

فكّرْ حبّه.....وقال لحفيده

عايز ورده

نفسي ف ورده

أجمل ورده ...تشوفها بعينك

اقطفهالي عشان أدعيلك

خرج الواد يبحث ويدوّر

أجمل ورده يجيبها منين..؟!!

غطس الواد ومافيش أخبار

دارت الشمس وعدّى نهار

رجع الواد مجهد تعبان

وإيديه فاضيه..!!

سأل الجد إصطنع اللهفه

فين الورده..؟!

ماجيبتش ليه؟؟

غبت علي ..قلقت عليك

قالّه انا آسف

إيه مالقيتشي؟

قال له لقيت

ورده جميله جنب البيت

قلت أسيبها هالاقي الأكبر

خدت طريقي مشيت ومشيت

واما لقيت

قلت أشوف غيرها تكون أجمل

واما لقيت اترددت

قلت أسيبها هالاقي الأجمل

عدى نهارىي لكن ..مالقيت

قلت أعود للورده الأولى

بس خساره لقيتها اتقطفت

مش موجوده

سامحني ياجدي هاجيبلك بكره

أنا مش عايز ...وردة بكره

أنا كان قصدي أوضّح فكره

فكره؟!!

قصدك إيه..؟؟

معنى الحب..!!

الحب يا ولدى ورده فريده

ماتحسش أبدا روعتها

إلا... م تضيع أو تفقدها..!!!!

معنى الحب..معنى الحب
Divider Butterflies, animated
Fantasy Animated
Divider Butterflies, animated

 

=''>

آخر المواضيع