الشعب يريد خير اللهم اجعله خير

قلنا ديموقراطية وحرية وعشان الديموقراطية  عملنا ثورة ومش اي ثورة دي ثورة أدهشت العالم قوم ايه بقي بعد معملنا ثورة وارفع راسك فوق انت مصري والشعب كله ايد واحدة بقي اخواني علي ليبرالي علي علماني مسلم سلفي علي اناركي ومعاهم صوفي  وبهائي وشيعي مسيحي و ملحد يعني تشكلية والجيش والشعب ايد واحدة وعشان كل اللي فات ده كان ايد واحدة نجحنا وعزلنا نظام من اقوي الانظمة البولسية في الشرق الاوسط ونوسعها نقول في العالم يلا محدش واخد منها حاجة قوم ايه بقي قوم كل الانتماءات اختلفت رؤاها واختلفت أهدافها بس اتفقوا في حاجة واحدة الشعب يريد طيب هو حد من دول نزل وسأل الشعب ماذا يريد ولا هو البعيد عارف مصلحة الشعب أكتر  من الشعب نفسه طيب اخوانا البعدا اللي كل يوم يلعبوا  في دماغ الشعب حد فيهم حاول يعرف مكانته عند الشعب ايه؟ الواضح للشعب ياسادة أن الثورة أزاحت ديكتاتور فظهر مكانه الف ديكتاتور دعوات المليونيات تلك التي أصبحت لا لون لا طعم لا رائحة لا فائدة بعد أن أفقدها الداعيين اليها من مضمونها ومع كل جمعة فاشلة يخرجوا علينا ويقولوا كانت جمعة ناجحة بكل المقايسس ياتري بتقيسوها بأيه متر الترزي مثلا حقيقي حاجة تكسف لما تشوف العالم الذين يطلقون علي أنفسهم ناشط سياسي وهو بيسأل هو مافيش مظاهرة نطلع فيها ياشباب البعيد حاسس بفراغ ولما تشوف واحدة تقول عاوزين  كل اضراب نروح نعمله دعم المهم انهم جايين في اي حاجة في  وقف حال او تصعيد اللي عاوز يتسلي ياريت أما يلعب بلاي ستيشن والبنات تلعب أولة البلد ملعوب فيها اصلا مش ناقصة لعب العيال جتكم الارف مليتوا البلد  #egypt #egyarmy #noscaf #25jan #tahrir #KhaledSaid  #oct6 #EgyPolice